Ranao Friday Club
« Fiqhus Sunnah | Home | Pananaroon sa kapagisa-isa »
Ipeleka ko kalilimod (Sample)
By admin | April 30, 2008
Bismillahir Rahmanir Rahim. Assalamo alaikom warahmatullahi wabarakatoho. Mizagipoon nako ko kalima o Bismillah ka gianang kon ni isa a rokon o langowan na penggola-olaan a aya pephanagipoonan ko langowan no bantogan a dii mazabanding na matatangked a reko Allaho Taallah, a gianan so kalima a miaka ibarat sa gonsi a aya khileka ko khasaden sa kapekha tarimaa ko pekhandaken.
Na sabap ko kala a kalbihan o masa sa diiron ka zabandinga a tantowa mapiya i paras a kabobontal iron ka aya ipephamotayag go phizozonan na ongangen a mandadalem mo masa sa kapethapsiraon o mga bilangatao, na maka iibarat sa kathorogan a khalekaan so mga panirowanga iyan kaan mamangisayat so mikekendongon kaan masara bantang ko pamikiran so mandadalemian a limo.
Ka so kiya tendo a ingaran naken a saken kon ni awal a bekas a phakarinayag ko lalag a dalema Marawi, na khormateng ko wa sakasakao a kiya adapa ko rekano a langowa tongkayatao a mga datu ago mga bai a makamamasa sangkai a kalilimod, sa phakasampay naken rekano so salam a mandadalemian so kada a rayo-rayo a kapipiya a ginawa a mipagaadilian so rahmat na makhakabesaran niyan so kabarakat ka o tarimaa o Allah na tiyangked daken a mipendaya tano so mapiya a kapaginetao.
Ka miaratiyaya ko sa aya kapiya niyan ni bontal na madalem rekano so pangimbenar na pakaibarateng ko den sa kathorogan a leka angko rekano so mga panirowanga iyan kaan rekano mabinentay na ka phamorada niyo o ino tano khalimod ka o daa pilimodan na daman na kalilimod, go antonaa i pilimodan, ka o da mini ropa na daa mapezabanding.
Na kagiya imanto wa alongan a gawii a miya okor na phakaborantao den so yakin no pamandapat a matatarasanday ko kalodan no geda-geda a zazaromayagan no pamikiran a migagadong ko rareb a kapapadatian ko puso a pesendigan no ilaham a phoon ko Allaho Taallah na khapayag den so mga nanao a inimbilangatao o mga bilangatao a idadapetar sa kataid do agama Islam a gianan ni bangsa maporo.
Na aya kiya opakatan sangkaya a langowan na bangsa niyo sa dalema Marawi, na iphalad dami rekano so masa a rakes so madadalemon na ongangen kaan niyo kambayai a kapiya i paras a karinayagian sa di ka khandongan so madadalemon na toroan kaan tano kanggonai na asara di mapaawing a ka binentay niyan na domait ko atoran a pinggiginawa iyan na o miyog so Allaho Taallah na so limo a lebi a mala a ithitiyakay ko mga bilangatao na miya tangked a mapembagian niyo a langowan na bangsa mi a makamamasa sangkai a kalilimod do phangampong nga ranao sa thagoang koden sa ayatan so ka pekhapayag go lalag ko.
WASSALAM.
———————————
Source: Paninggalan sa Ranao (Osayan ko pizosonan na katharo, darangen, pananaroon, bayok, sii ko pimbarambarang a masa a mga kalilimod sa inged da Ranao.) Phoon sa pamikiran ni Tingcap G. Pandi. Ini sorat ti Jamel S. Macarampat
Topics: Kapamlalag |
3 Responses to “Ipeleka ko kalilimod (Sample)”
Comments
You must be logged in to post a comment.
May 19th, 2010 at 10:07 am
Это хорошо когда так!…
Сборщик мебели ……
July 15th, 2010 at 10:21 pm
Buy:Female Cialis.Zocor.Buspar.Ventolin.Cozaar.Nymphomax.Lasix.Benicar.Amoxicillin.Lipothin.Female Pink Viagra.Acomplia.Seroquel.Zetia.Lipitor.SleepWell.Wellbutrin SR.Prozac.Aricept.Advair….
August 30th, 2010 at 5:17 am
Lamp http://sconstruction5dy38iq.01DODGEPARTS.US/tag/Retro+Lamp+electric/ : Lamp…
Lamp…