« Ipeleka ko masa (Sample 1) | Home | Fiqhus Sunnah »

Ipeleka ko masa (Sample 2)

By admin | April 30, 2008

Bismillahir Rahmanir Rahim. Assalamo alaikom warahmatullahi wabarakatoho. Mizagipoon nako sangkanan a kalima o Basmallah ka kagiya gia nan so kalima a poonan nago kalima a khandodan ka ron khasamporna so langowan no kaaden. Ini tondog gakenon angkanan a kalima o salam ka arap-parap paken sa oba matarima sou pangni aken sa mabaloy a bolong so mandadalem a ongangen sangkai a masa. Sa maka iibarat sa panggao a lelembaan a mamangisayatso mga rending ngiyan kaan mabinentay so mandadalemon na kamoliyaan kaan kanggonai o miaka masama so kiya ilaya niyan ko panagontaman o diim bilangatao ko masa a makatatangan ko kapaar nago so kambaya-baya tabiya ko Allah.

Na so padaadat ago so panabiya aken rekano wa langowan a miyaka darpa sangkai a kalilimod a mga dato ago mga bai na sabap ko maiisa-isa tano ko osayan ko bangsa nago maiisa-isa tano ko ingaran, na maiisa-isa tano pen ko agama tano a so agama Islam, na sabap ko di ka khagandawalii sa lalag a sangkopan naya sa kini pandoon niyan ko mababaloy a singanin a mababantak a niat a mazisimalao nago mazisinganin o mga bangsa tano a miaka talingoma sa diran dii kapagantanga na o anda manaya i kagaan a kisampay o antangan niran a kasabapan sa katokawi ko sabapan a da iran mindarainon.

Na sabap ko limo o Allah na aya khisoat taken rekano na pakaibaraten naken sa torogan a giyai den ni kiya lekai aken rekano ko mga panirowanga iyan kaan niyo minggolalan so mapagaantangan niyo a ikapiya angkai a masa tano. Sa pakadaan niyo den so kaya nago so mamala sa aya somambi na so katerang sa aya reketano i ilaham mo Allah so okit a mapiya a misoat tano ko langowan na makamamasa sangkai a masa na aya mala a masoat tano na so kadenan tano.

Na kagiya lagido kathorogan a kiya lekaan naken rekano angkai a masa na taros a so kambabaya niyo ko mapipikir riyo na diden seged diyo ron inonta bo so Allah. Na mipenggolalan niyo den so mga antangan niyo na taros a ka phanagontamanan niyo so ki penggolalanen niyo ko okit a kambilangatao sa mapiya anda niyo phakalimbaya ko karsada o kapagongangen na insha Allah na kena den aba madadas ka khatarima iyo den so singanin niyo.

WASSALAM.

———————————
Source: Paninggalan sa Ranao (Osayan ko pizosonan na katharo, darangen, pananaroon, bayok, sii ko pimbarambarang a masa a mga kalilimod sa inged da Ranao.) Phoon sa pamikiran ni Tingcap G. Pandi. Ini sorat ti Jamel S. Macarampat

Topics: Kapamlalag |

One Response to “Ipeleka ko masa (Sample 2)”

1. Kylie Batt Says:
   May 19th, 2010 at 4:40 pm

   Блестящая идея…

   Администратор Bismillahir Rahmanir Rahim. Assalamo alaikom warahmatullahi wabarakatoho…..

Comments

You must be logged in to post a comment.