Quran

The Qur’an (Maranao Translation)

Pamukasan ko Kiya Iranona ko ped ko mga Ma-ana o Qur’an a Susula-an

Click HERE to download

So paka-asal a kiya Iranona ko saba-ad ko mga Ma-ana o Qor-an a Susula-an na miyapasad a galubuk o mindod sa Limo-o Allah (Allaho Yarhamoh) a si Sheikh Abdulaziz Guro Alim Saromantang. Sukaniyan so miya-ona a Mayor sa ingud a Tugaya Lanao del Sur, sa Pilimpinas. So kiya Iranon na sangkai a Qor-an na miyokit ko tanto a madakul a kiya pumo-mosawira iron, kiya pagimpid-impid iron nago kiya zalesawawn matiya o mga Ulama sa “Lajnatul Moraja-ah”, so “Islamic Endowment Foundation of the Philippines” ago giya “Riasat Al-Buhuth Al-Ilmiyah wal Ifta’ wad Da’wah wal Irshad”

So peman so kinisoratenon sa electroniks na miyokit sa kiyathompokan a galbk i Director Ashary Tamano ago si pagari niyan a si Engineer Abdulbasit Tamano, a maka gaganat siran sa Ingud a Tugaya, Lanao del sur, Phippines. Giyang kai a manga batang a electronics (electronics texts) na minitondog nago piyaka ayona-i ko kiya tombokawn a Qur’an Complex Publication, Madinah, Kingdom of Saudi Arabia.

Giya ngkoto a miya aloy a kinisoratenon sa electroniks na pimbia-biatan oto sa kiya baloyawn a special file a miyaparo a kiya tago iyan ko pimbarabasa a program sa kompyotir a bithowan sa Qur-an Viewer a pimba-alan i Jamal Al-Nasir, sukaniyan so mithaong ko mga ala-a galubuk a Divine Islam.

So Qur’an a Susula-an

Sii ko paka-asal o basa niyan a so Arabic na gyangkai a Qur’an na mga katharo a pho-on ko Allah san ko mga manosiya a miyakang golalan ko Sogo iyan a so Mohammad (so kalilintad nago kada-a rayorayo a ginawa na sii rekaniyan).

Dapiya antona-a a basa a kapenediyorobasa-i ko Qur’an na diniyanden maphropa so kada-a pa-awing. Inonta, na giangkai a galebek na Insha Allah na mala-a kaphaka-ogop iyan ko gopen a phamaganad a khababaya-an iran a ka sowa-a iran ko mipantag ko Islam nago so Qur’an a Sesela-an. Giyoto i sabap a kip-phando onon sa kapaka kowa o oman i phitang-gisa-an sangkai a Qur’an ko kinitomboknon sa karatas na goso kini salinen non mambo sa kompyotir ko kabaloyawn a pekhandodan nago so mga ped a khi-ogopian makapenggolalan ko kompiyoter datar o mga kambabanog sa mga sataga a katharo nago so mga salakaw ro-o.

So mga pando-an a madadalem ko Qur’an a Sesela-an na ini-ilaham si-iko Sogo iyan sa miya zaginton ko mararani miyaka dowa polo ago telo (23) ragon. So Sogo iyan na sii sekaniyan ko ika pat polo ragon (40) a idad iyan gowani ko giyangkai a Qur’an na pho-onan a ki-phagilaham non si-i Rekaniyan, a minipantag ko ika Nem Gatos ago Sapolo Ragon (610 AD) ko kinimbawata-an ko
Nabiyullah Isa (Alayhis Salaam). Go suka niyan (a Nabi Mohammad) na Nem Polo ago Telo (63) Ragon a idad iyan isako masamporna a ki phagilaham non ko Qor-an nago taros a mindod sekaniyan sa Limo o kadena Niyan (So kapakaselang sa maliwanag nago kada-a Rayorayo a ginawa na san rekaniyan a Nabi).